Kryetari i Komisionit për Punë të Jashtme të Bundestagut gjerman, Michael Roth, ka mirëpritur vendimin e Qeverisë së Kosovës lidhur me zbatimin e vendimit të Gjykatës Kushtetuese lidhur me pronat e Manastirit të Deçanit.

Me anë të një postimi në “X”, ai këtë e ka vlerësuar si lajm të mirë nga Kosova, shkruan Arbresh.info.

“Përgëzime dhe falënderime për Kosovën për hapin e madh përpara për forcimin e sundimit të ligjit. Është një shenjë e madhe shprese për ambicien e Kosovës për t’iu bashkuar së shpejti Këshillit të Evropës. Është e merituar”, ka shkruar ai.

Good news from Pristina! Congrats and thanks to Kosovo for the huge step forward to strengthen rule of law. It’s a great sign of hope for Kosovo‘s ambition to join the Council of Europe soon. It’s well deserved. https://t.co/rSahcCNLIj

— Michael Roth – official 🇪🇺🇺🇦🇮🇱 (@MiRo_SPD) March 13, 2024

Kujtojmë që sot Qeveria e Kosovës ka urdhëruar që Manastirit të Deçanit t’i jepen pronat sipas vendimit të Gjykatës Kushtetuese.

Kështu ka thënë kreu i qeverisë, Albin Kurti gjatë mbledhjes së sotme.

Kryeministri tha se këtë vendim e ka marrë për ta hequr si kusht për pranimin e Kosovës në Këshill të Evropës./Arbresh.info/

LEXO EDHE:

Kurti njofton se i ka kërkuar Agjencisë Kadastrale ta regjistrojë pronën Manastirit të Deçanit, sipas aktgjykimit të Kushtetueses