Google ADS

Qeveria ndan 520 mijë euro për renovimin e IML-së

12:26 | 13 Mars 2024
E.K

Qeveria e Kosovës ka ndarë sot 520 mijë euro për financimin shtesë të projektit të renovimit të kulmit dhe konstruksionit të hapësirës së brendshme në objektin e Institutit të Mjekësisë Ligjore (IML)

Ministri i Financave, Punës dhe Transfereve, Hekuran Murati, tha se se ndarja e këtyre mjeteve vjen pas kërkesës nga Ministria e Drejtësisë.

“Nga Ministria e Drejtësisë, kemi pranuar kërkesë për ndarjen e mjeteve buxhetore prej 520 mijë eurove dhe kjo kërkesë ndërlidhet për renovimin e kulmit dhe rikonstruksionin e hapësirave në objektin e brendshëm të IML-së, pas zjarrit dhe dëmeve që kanë ndodhur në atë objekt”, ka thënë ai.

Ai shtoi se mjetet do të merren nga shpenzimet e paparashikuara dhe do të transferohen në Ministrinë e Drejtësisë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm