Publikohen identitetet e dy personave që po dyshohet se kanë vrarë boksierin shqiptar Besar Nimani

14:06 | 12 Mars 2024
D.H

Boksieri shqiptar, Besar Nimani, është vrarë të shtunën në mbrëmje në Bielefeld të Gjermanisë. Nimani është qëlluar në rrugë derisa ishte duke dalur nga një restorant.

Dy personat që dyshohet se janë dorasit janë shpallur në kërkim nga policia e Gjermanisë.

Emrat e tyre janë: Ayman Dawoud Kirit dhe Hüseyin Akkurt.

Sipas mediumit gjermanë Presseportal, Prokuroria publike e Bielefeldit dhe policia po i kërkojnë ndihmë qytetarëve që të gjejnë dy 33 vjeçarët të dyshuar për vrasjen e boksierit, Besar Nimani.

“Ayman Dawoud Kirit dhe Hüseyin Akkurt dyshohet se kanë qëlluar në rrugë një 38-vjeçar nga Bielefeld të shtunën, 9 mars 2024”, shkruan Presseportal.

Më tutje në raport thuhet se banesat e të kërkuarve në Bielefeld u kontrolluan nga njësitë speciale natën e krimit.

Personat e dyshuar për vrasjen e boksierit nga Mitrovica janë ende në arrati.

Ayman Dawoud Kirit

Hüseyin Akkurt

Shpërndaje në rrjete sociale

Lajmet më të lexuara

Të ngjashme

Foto lajm