Google ADS

Gjenerallejtënant Jashari priti në vizitë Gjenerallejtënant Ferraran, u diskutua për mundësitë e bashkëpunimit mes dy ushtrive

14:00 | 12 Mars 2024
K.B

Komandanti i Forcës së Sigurisë së Kosovës, gjenerallejtënant Bashkim Jashari priti sot delegacionin italian të udhëhequr nga gjenerallejtënant Vito Ferrara, Inspektor i Përgjithshëm i Inspektoratit të Mjekësisë Ushtarake të Ushtrisë Italiane.

Gjatë takimi, mes të tjerash, u diskutua për mundësitë e bashkëpunimit mes dy ushtrive, veçanërisht në fushën e mjekësisë ushtarake me fokus të veçantë në fushën e trajnimeve dhe specializimeve, shkëmbimin e personelit mjekësor, dhe fusha të tjera relevante.

FSK njofton se të dyja palët u pajtuan për bashkëpunim të mëtejshëm, përfshirë mundësitë për bashkëpunim në fushën e mjekësisë ushtarake në mekanizmat që udhëhiqen nga
Forcat e Armatosura të Italisë.

Qëllimi i vizitës së delegacionit italian është ngritja e bashkëpunimit në fushën e mjekësisë ushtarake mes dy ushtrive, e cila bëhet në bazë të planit bilateral mes dy vendeve tona./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm