Kreu i Lidhjes Demokratike e Kosovës (LDK), Lumir Abdixhiku u ka uruar besimtarëve myslimanë fillimin e muajit të shenjtë të Ramazanit.
Me anë të një postimi në Facebook, Abdixhiku tha se ky muaj është moment reflektimi, paqeje e dashurie mes nesh, shkruan Arbresh.info.
“Dita e nesërme për të gjithë besimtarët shënon fillimin e muajit të shenjtë të Ramazanit. Shënon dhe fillimin e një muaji sa të veçantë shpirtërisht, aq dhe sfidues fizikisht. Prandaj më lejoni që në emrin tim dhe Lidhjes Demokratike të Kosovës, t’iu uroj fillimin e këtij muaji të sakrificës, shpresës e solidaritetit me të tjerët.”, ka shkruar ai.
“Ky muaj është moment reflektimi, paqeje e dashurie mes nesh; është muaj i kujdesit, i afërsisë e i ndarjes së të mirave me të tjerët. Uroj që këto vlera të forcohen sa më shumë në shoqërinë dhe vendin tonë. Sepse ne kemi nevojë për to.”, ka shtuar kreu i LDK-së.
Abdixhiku u ka dëshiruar të gjithëve agjërim të lehtë, pranim të lutjeve, shendet të mirë, lumturi e prosperitet./Arbresh.info/
Leverkuseni me urim unik për ditëlindjen e Xhakës: Shpresojm...
Aksion i antidrogës në Pejë: Sekuestrohet mbi një ton drogë ...
Serbët e veriut fillojnë të mblidhen për protestën në Zubin ...
Barcelona do të regjistrojë Olmon dhe Szczesnyn në La Liga p...
Kapen 340 kg duhan të kontrabanduar
Nëndetësja e re bërthamore kineze fundoset gjatë ndërtimit