Osmani uron Ramazanin: Të shpërfaqim solidaritetin ndërnjerëzor që e karakterizon popullin tonë

21:12 | 10 Mars 2024
E.G

Presidentja e Kosovës, Vjosa Osmani ka uruar besimtarët myslimanë në prag të fillimit të muajit të Ramazanit.

Me anë të një postimi në Facebook, Osmani ka thënë se forca e njeriut qëndron në durimin, veprat humane dhe respektin e ndërsjellë, shkruan Arbresh.info.

Ajo ka bërë thirrje që në këtë muaj të shpërfaqim solidaritetin ndërnjerëzor që siç thotë ajo, e karakterizon popullin tonë.

“Pas mesnate, me syfyrin e parë, fillon muaji i shenjtë i Ramazanit. I uroj të gjithë qytetarëve tanë të besimit islam agjërim të lehtë e të shëndetshëm, mbarësi dhe begati në familje. Forca e njeriut qëndron në durimin, veprat humane dhe respektin e ndërsjellë. Ndaj në këtë muaj e çdo ditë tjetër, të shpërfaqim solidaritetin ndërnjerëzor që e karakterizon popullin tonë. Urime muaji i bekuar i Ramazanit!”, ka shkruar presidentja Osmani. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm