Google ADS

Lajmërohet Sami Lushtaku: Tërë jetën time kam punuar me nder, duke pasur në rend të parë interesin e popullit tim

21:54 | 9 Mars 2024
R J

Nënkryetari i Komunës së Skenderajt, Sami Lushtaku, ka reaguar për herë të parë pasi mbrëmë është shoqëruar në zyrat e EULEX-it në Fushë Kosovë.

Përmes një postimi në facebook, Lushtaku ka thënë se gjatë gjithë jetës sime jam munduar të punoj me nder.

“Gjatë gjithë jetës sime jam munduar të punoj me nder, duke pasur në rend të parë interesin e vendit dhe popullit tim.

Jam krenar për gjithçka çfarë kam bërë për vendin tim, liria e të cilit erdhi pas luftës dhe sakrificës së mijëra dëshmorëve e martirëve të cilët ranë gjatë luftës sonë çlirimtare të vitit 1998-1999”, ka thënë Lushtaku.

Postimi i plotë:

Të dashur qytetarë,

Dëshiroj të ju falënderoj përzemërsisht për interesimin dhe mbështetjen e madhe pas zhvillimeve të ditës së djeshme, të cilat kanë mundur të shkaktojnë shqetësime tek secili prej jush.

Gjatë gjithë jetës sime jam munduar të punoj me nder, duke pasur në rend të parë interesin e vendit dhe popullit tim.

Jam krenar për gjithçka çfarë kam bërë për vendin tim, liria e të cilit erdhi pas luftës dhe sakrificës së mijëra dëshmorëve e martirëve të cilët ranë gjatë luftës sonë çlirimtare të vitit 1998-1999.

Në kërkim të Drejtësisë Tranzicionale në Kosovë, ne shqiptarët kemi paguar çmim të lartë. Drejtësisë nuk i kemi ikur asnjëherë sepse lufta jonë ishte luftë për liri, barazi e demokraci.

Kjo është e vërteta jonë!

Jam mirënjohës përjetësisht ndaj secilit prej jush e kështu do të jemi bashkë gjithmonë!/Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm