Presidenti i Republikës së Shqipërisë, Bajram Begaj, zhvilloi të premten një vizitë në Komandën Strategjike të NATO-s për Operacionet, ku pati nje takim ‘kokë më kokë’ me Komandantin Suprem, Gjeneral Cavoli.
Siguria globale, siguria në rajonin e Ballkanit Perëndimor, roli i Shqipërisë si kontributor në paqen, sigurinë dhe orientimin euroatlantik të rajonit, si edhe fuqizimi i kapaciteteve ushtarake të Shqipërisë dhe kontributi i drejtpërdrejtë në NATO, ishin disa nga çështjet ku u fokusuan bisedimet Begaj-Cavoli, raporton RTSH.
“Sot situata e sigurisë është përkeqësuar dhe konflikti në Lindjen e Mesme, si dhe agresioni brutal rus kundër Ukrainës kanë tendencën të përhapen edhe në rajone të tjera. Situata në Ballkanin Perëndimor vijon të jetë e brishtë gjë që na rikujton sesa mund e përpjekje duhet që të mbrohen jo vetëm parimet demokratike, por edhe paqja e siguria e vendeve tona”, u shpreh Presidenti Begaj, sipas një njoftimi për shtyp.
“Shqipëria do të jetë gjithmonë aty, ku NATO ka nevojë, sikundër e ka dëshmuar me prezencën e saj në misionet dhe operacionet e NATO-s në Afganistan, KFOR (Kosovë), Letoni, Bullgari, Irak”, ka thënë më tej Begaj.
Presidenti, siç njofton presidenca, vlerësoi në veçanti investimin që NATO bëri në Bazën Ajrore të Kuçovës, që u inagurua vetëm 4 ditë më parë theksoi se “Shqipëria ofron dhe mirëpret angazhimin dhe investimin e NATO-s për të shmdrruar portin e Porto Romanos në një bazë detare të saj.”
Kurti refuzon t’i japë notë raportit me Ramën: Në kuptimin e...
Përzgjedhja e mjekut familjar – 1 mjek do të ketë deri 2 mij...
Aksidenti në Badovc, Gashi: Dy trupa u gjetën në ujë, një në...
Përmirësohet situata nga përmbytjet në Vlorë, vijon pastrimi...
Jasir Asani në top formë, shënon sërish për fitoren e skuadr...
Aksidenti me tre të vdekur, reagon Rama: Momentet e tilla ja...