Depuetja e Lëvizjes Vetëvendosje, Shqipe Mehmeti-Selimi në seancën solemne të Kuvendit të Kosovës për nder të 26 vjetorit të Epopesë së Ushtrisë Çlirimtare të Kosovës ka thënë se edhe sot lavdia, madhështia dhe guximi sublim i familjes Jasharajve  do të kujtohet me zemrën plot dhe me krenari.

Mehmeti-Selimi u shpreh se Kosova dhe gjithë shqiptarët e mbajnë mend këtë ngjarje më të madhe të kombit, e cila, siç tha ajo, shënon pikën më të lartë të vetëdijës kombëtare, shkruan Arbresh.info.

“Ndonëse vitet kalojnë, nderimi për Epopenë e UÇK-së nuk është zbehur, përkundrazi kujtimi po mbetet i freskët, e nderimi po rikuptimësohet pambarimisht”, tha mes të tjerash ajo.

“Luftëtarët e lirisë luftuan për lirinë e atdheut,  dëshmorët u bënë themeli ynë.”, u shpreh ajo.

Ajo tha se e kemi për detyrë që të mbrojmë lirinë dhe atdheun me çdo kusht.

“Atdheu dhe liria janë amaneti i Adem Jasharit dhe i dëshmorëve të lirisë, këtë amanet duhet të jemi gati ta ruajmë me jetën tonë, kështu e nderojmë vepren e Jasharajve”, tha ajo.

Ai tha se ata na kujtojnë se armiku ka mbetur po i njëjti tash e një shekull.

“Në këto kohë aspak të lehta na duhen mësimet e Ademit dhe Hamzës, për atdheun asnjë kompromis, për atdheun nuk zgjedhim asnjë të keqe, as të madhe dhe as të vogël.”, tha mes të tjerash ajo.

Ndër të tjera, ajo u shpreh se Kosova është në anën e drejtë.

“Sot këtu, në homazhe, në përkujtim do të duhet të ishin ata që luftuan, po rata janë larg. Drejtësia në çdo rast do të triumfojë”, tha mes të tjerash Mehmeti-Selimi.

“Lavdi Komandantit Legjendar, Adem Jashari dhe gjitëh të rënëve ën Epopenë e UÇK-së  me 5, 6 dhe 7 mars të 1998, lavdi gjithë dëshmorëve dhe të rënëve për liri. Rroftë për jetë emri i Ushtrisë Çlirimtare të Kosovës”, përfundoi ajo./Arbresh.info/