Prokuroria Themelore në Prishtinë ka bërë të ditur se janë ndërmarrë të gjitha veprimet për zbardhjen e rastit të plagosjes së një personi që ndodhi të hënën në lagjen e Muhaxherëve në Prishtinë, mes dy grupeve të të rinjve.
“Prokuroria Themelore në Prishtinë njofton opinionin publik se menjëherë pas marrjes së informatave për plagosjen e një personi në Prishtinë, kemi autorizuar Policinë e Kosovës për marrjen e veprimeve të nevojshme që konsistojnë në hetimin e rrethanave që karakterizojnë ngjarjen. Sigurojmë opinionin publik se në koordinim me hetuesit policorë kemi ndërmarr të gjitha veprimet hetimore për ndriçimin e plotë të rastit”, bënë të ditur prokuroria, raporton Arbresh.info.
Po ashtu, prokuroria fton qytetarët të bashkëpunojnë me autoritetet për zbardhjen e rastit.
“Ftojmë qytetarët të cilët kanë informata relevante rreth rastit të bashkëpunojnë me autoritetet ligj zbatuese, duke iu drejtuar Prokurorisë dhe Policisë për të ndihmuar në hetimin dhe zbardhjen e ngjarjes”, thuhet në njoftimin e prokurorisë./Arbresh.info/
CEFTA, Habeck : Po përpiqemi të gjejmë një zgjidhje për Koso...
SHBA-ja do t’i dërgojë Ukrainës bomba thërrmuese
Tre shenja që shkojnë mirë me Peshoren
Anketa: Harris mbështetje më të madhe se Trump mes votuesve ...
“Armatimi ishte futur me automjete edhe atë natë”, Drejtori ...
Real Madrid arkëton tri pikët e radhës në La Liga