Mbyllet mes kaosit seanca plenare e Kuvendit të Shqipërisë, zgjat vetëm 10 minuta

18:24 | 4 Mars 2024
E.H

Mes kaosit dhe tensionit është mbyllur seanca e sotme plenare të Kuvendit të Shqipërisë.

Kjo seancë ishte parashikuar të zgjaste 4 orë, mirëpo tensioni i krijuar bëri që të mos kishte zhvillim normal të saj.

Me pankarta në duar, deputetët e opozitës përdorën zhurmues dhe u frynë bilbilave duke bërë që seanca të zgjaste vetëm 10 minuta

Ndërkohë deputeti demokrat Flamur Noka u përplas me Gardën e Republikës dhe po ashtu i ndërpreu fjalën deputetit socialist, Vullnet Sinaj, të cilit iu afrua me bilbil tek mikrofoni.

Në këto kushte, kryeparlamentarja Lindita Nikolla vendosi mosvazhdimin e seancës së sotme plenare.

Në rendin e ditës ishte parashikuar që të kishte diskutime për çështje të evidentuara nga zgjedhësit./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm