Ministri i Financave, Hekuran Murati priti sot në takim delegacionin e Fondit Saudit për Zhvillim, të udhëhequr nga Mohammad Alfayadh, për të diskutuar disa nga projektet me prioritet të qeverisë në kuadër të thellimit të bashkëpunimit.
Diskutimet në këtë takim ishin kryesisht të fokusuara në mundësitë për bashkëpunim në projekte mjedisore, të transportit dhe të energjisë, përcjell Arbresh.info
Përveç këtyre sektorëve, projektet infrastrukturore u vlerësuan si kyçe dhe me shumë potencial për investimet e huaja.
“Gjatë këtij takimi, Ministri Murati ftoi të pranishmit të shqyrtonin mundësitë për thellimin e bashkëpunimit në sektorin e shëndetësisë, si dhe për zgjatjen e marrëveshjes me Fondin Saudit për financimin e ndërtimit të autostradës Prishtinë-Mitrovicë, duke marrë shkas nga bashkëpunimi i suksesshëm i deritanishëm”, thuhet në njoftimin për media nga MF.
Përfaqësuesit e Fondit Saudit për Zhvillim falënderuan Ministrin Murati për mikpritjen e ngrohtë dhe theksuan dëshirën për thellimin e bashkëpunimit në të ardhmen./Arbresh.info
Kurti udhëton për në Bruksel, merr pjesë në drekën e ftuar n...
Loredana Zefi pjesë e jurisë së një prej ngjarjeve më të mëd...
Von der Leyen takon sot liderët e Ballkanit Perëndimor
Osmani udhëton për në New York, pritet të zhvillojë takime m...
Rama: Ambiente tërësisht të rikonstruktuara për nxënësit e s...
Maqedonci: Çdo kërcënim e marrim seriozisht, nuk i frikësohe...