Nga arresti shtëpiak, ku ndodhet që prej 30 dhjetorit 2023, ish-kryeminstri i Shqipërisë, Sali Berisha ka përshëndetur inaugurimin e bazës ajrore të NATO-s në Koçovë.
Duke folur si kryetar i Partisë Demokratike, Berisha përmend anëtarësimin si një arritje të qeverisë së tij, duke u shprehur se edhe sot kjo forcë politike e mbështet aleancën pa rezerva.
“Sot u inaugurua në Kuçovë, pas rikonstruksionit të Aeroportit, baza ajrore e NATO-s në Shqipëri. Partia Demokratike, si forca politike e parë në Europën ish-komuniste që kërkoi anëtarësimin e vendit në NATO dhe që 15 vjet më parë me reforma të thella dhe të shumanshme antarësoi Shqipërinë në NATO, përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut. Partia Demokratike garanton NATO-n se ajo sot dhe në të ardhmen mbështet pa rezerva bashkëpunimin me Aleancën e Atlantikut të Veriut dhe mbetet e vendosur në respektimin e të gjitha detyrimeve politike dhe ushtarake të Shqipërisë ndaj saj”, shkruan Sali Berisha.
Kjo bazë ka infrastrukturë moderne me helikopterë e dronë të armatosur dhe avionë luftarakë të Aleancës, e cila i jep vendit tonë një rëndësi të re gjeostrategjike. Ajo do të shërbejë si qendër për aktivitetet e Forcës sonë Ajrore, duke ofruar infrastrukturë të avancuar për avionët luftarakë dhe ata të transportit të Aleancës. Punimet për rikonstruksionin e saj nisën në janar të vitit 2022. Prej asaj kohe, është punuar për sistemin e rrethimit dhe të sigurisë e po ashtu të mbrojtjes në perimetrin ku shtrihet kjo bazë./a2cnn
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban