Manchester United u mposht nga Manchester City me rezultat 2-1 në kuadër të Premier Leagues.

Pas ndeshje trajneri i djajve befasoi me deklaratën  e tij, shkruan Arbresh.info.

Ai lavdëroi lojtarët e tij për ndeshjen që kanë bërë.

“Mendoj se ishte një paraqitje e mirë në përgjithësi, ne kaluam në 1-0 dhe patëm momentet tona pas tij për të shënuar të dytin”, ka thënë fillimisht trajneri i Djajve të Kuq.

Ten Hag theksoi se Manchesteri ka bërë në përgjithësi një mbrojtje të mirë.

“Ne u mbrojtëm shumë mirë dhe ishin dy momente përcaktuese kur për pak bëmë një depërtim dhe pësuam golin e parë”.

“Atëherë ju jeni të zhgënjyer, ne duhet ta pranojmë atë dhe ende kishim mundësitë për të marrë të paktën një pikë, por edhe fitorja ishte e mundur”, vazhdoi Ten Hag.

Tutje holandezi foli edhe për një faull të Ëalkerin në Rashfordin.

Për faullin e Kyle Walker ndaj Marcus Rashford: “Unë shikova prapa dhe e pyeta Rashyn (Rashfordin) nëse kishte kontakt, ndoshta i butë, por kishte kontakt”.

Teksa fare në fund u ndal edhe te taktikat e tij, për këtë ndeshje.

Për taktikat: “Duke kaluar pas vijës së mbrojtjes me shpejtësinë e Garnachos, tashmë pas disa minutash pati një përparim të mirë dhe më pas shpejt një gol i mirë nga Rashford”.

“Mesin e mbyllëm shumë mirë dhe zonën shumë mirë. Ne i qëndruam planit dhe patëm momentin e veprimit, por që në disa pjesë dështuam me çka edhe pësuam golat”, shtoi më tej trajneri holandez.

City është i dyti në tabele me 62 pikë, një më pak se Liverpooli kurse United është i gjashti me 44 pikë./Arbresh.info/