Lëndohet Berardi, me shumë gjasë do të humb sezonin dhe Kampionatin Evropian

17:24 | 3 Mars 2024
D.H

Lajme mjaft të këqija për Sassuolon, sulmuesi kryesor i skuadrës, Domenico Berardi u rikthye në fushë vetëm mesditën e sotme, por u largua sërish prej saj, këtë herë nga një dëmtim edhe më i rëndë.

Italiani, që mungonte prej dy muajsh, pësoi një dëmtim të rëndë në tendinën e Akilit, duke u larguar nga fusha mes lotësh dhe me ndihmën e mjekëve.

Natyrisht pritet që sulmuesi të kryejë ekzaminimet mjekësore të hënën, për të mësuar më shumë, por në kampin emilian nuk ka optimizëm.

Berardi do t’i nënshtrohet me siguri operacionit, duke mbyllur sezonin para kohe dhe duke humbur njëkohësisht edhe Kampionatin Europian Gjermani 2024, ku Italia synon të mbrojë titullin kampion.

Lajm dëshpërues për Sassuolon, që do të duhet të tentojë mbijetesën pa futbollistin më cilësor të ekipit, pro edhe për Italinë e Spallettit, që ndonëse me pak alternative cilësore në sulm, humb  një tjetër titullar të Europianit të Anglisë, ku triumfoi./ss

Shpërndaje në rrjete sociale

Lajmet më të lexuara

Të ngjashme

Foto lajm