DASH i përgjigjet Macron: SHBA nuk do të dërgojë trupa në Ukrainë

21:20 | 27 Shkurt 2024
KRG

Departamenti amerikan i Shtetit deklaroi se presidenti Joe Biden e ka përjashtuar dërgimin e trupave amerikane për të luftuar në Ukrainë, në përgjigje të presidentit francez Emmanuel Macron që tha se dërgimi i trupave perëndimore në Ukrainë “nuk mund të përjashtohet “.

“Sigurisht, çdo vend është i lirë të flasë për interesin e vet, por përveçse presidenti e bëri të qartë se SHBA nuk do të dërgojë trupa për të luftuar në Ukrainë, sekretari i përgjithshëm i NATO-s ka përjashtuar çdo trupë të NATO-s që të luftojë në Ukrainë”- tha zëdhënësi i Departamentit të Shtetit, Matthew Miller në një konferencë për shtyp.

Ai gjithashtu i bëri thirrje Kongresit të miratojë fonde shtesë për ndihmën ndaj Ukrainës.

“Ne mendojmë se rruga drejt fitores për Ukrainën tani është në Dhomën e Përfaqësuesve të Shteteve të Bashkuara,” tha Miller./TCh

Shpërndaje në rrjete sociale

Lajmet më të lexuara

Të ngjashme

Foto lajm