Zëvendëskryeministri i Kosovës, Besnik Bislimi, ka thënë se ende nuk ka nisur zbatimi i Marrëveshjes Bazike dhe Ankesit Impelementues të Ohrit.
Me anë të një postimi në Facebook, ai ka shkruar se Serbia ende refuzon ta nënshkruajë e rrjedhimisht dhe zbatojë marrëveshjen.
Gjithashtu, Bislimi ka theksuar se Serbia ka shkelur tetë nene të Marrëveshjes Bazike dhe Aneksit Implementues.
“Me 27 shkurt në Bruksel, me 18 mars në Ohër, me 14 shtator në Bruksel, me 26 tetor në Bruksel, me 8 shkurt në New York, plot pesë herë u ofrua dhe publikisht nënshkrimi i marrëveshjes, por u refuzua. Përtej kësaj, Serbia ka shkelur tetë nene të Marrëveshjes Bazike, preambulën e saj dhe nene të Aneksit Implementues”, ka shkruar Bislimi.
Ai gjithashtu ka përmendur se përgjatë kësaj periudhe një vjeçare vendi është përballur edhe me eskalimet e Serbisë në terren, duke kujtuar sulmin terrorist në Banjskë.
“Pas dakordimit të Brukselit dhe Ohrit, shantazhuan e kërcënuan serbët e Kosovës të mos marrin pjesë në zgjedhjet lokale të prillit, sulmuan një muaj më pas institucionet tona, KFOR-in dhe gazetarët, rrëmbyen brenda territorit tonë tre zyrtarë policorë, sulmuan veriun e shtetit tonë me 24 shtator në aktin e agresionit të Banjskës, afruan trupat ushtarake përreth kufirit tonë dhe si kërcënim i qartë dhe i hapur deklaruan se nuk do ta njohin sovranitetin e integritetin territorial të Republikës së Kosovës, si dhe zyrtarisht me shkrim konfirmuan refuzimin e Marrëveshjes së Brukselit përmes letrës së kryeministres Brnabiq në dhjetor”, ka shkruar tutje ai./Arbresh.info
Asociacioni “do të jetë” kusht edhe për BE, thotë Guerot
Kryediplomati i ardhshëm amerikan, Marco Rubio dhe politika ...
Haradinaj: Anëtarësimi direkt në NATO është domosdoshmëri pë...
Reagon Ana përmes një postimi pas daljes nga “Big Brother”
Ellek: Pres që Lista Serbe të marrë pjesë në zgjedhje
Ukraina humbi 40 për qind të territorit që kontrollonte në K...