Presidenti i Shqipërisë, Bajram Begaj ka reaguar pasi Hungaria i hapi rrugën anëtarësimit të Suedisë në NATO, duke i uruar mirëseardhjen Stokholmit në Aleancë. Në një postim në Twitter, Begaj shkruan se me anëtarësimin e Suedisë, NATO do të jetë edhe më fortë dhe e bashkuar.
“Mirë se vjen, Suedi, si shteti i 32-të anëtar i NATO-s. Aleanca jonë është tani edhe më e fortë dhe e bashkuar, duke forcuar sigurinë dhe vlerat tona kolektive”, shkruan Begaj.
Po ashtu edhe Ministri i Jashtëm Igli Hasani përshëndeti anëtarësimin e Suedisë në NATO.
Parlamenti i Hungarisë miratoi me shumicë dërrmuese ofertën e Suedisë për t’u bashkuar me NATO-n të hënën, duke hapur rrugën për pranimin e vendit nordik në aleancë pas gati dy vjet negociatash intensive. Marrja e miratimit nga parlamenti hungarez ishte pengesa e fundit për anëtarësimin e Stokholmit në NATO.
Suedia do t’i bashkohet zyrtarisht aleancës pasi të dorëzojë instrumentin e saj të anëtarësimit me qeverinë e Shteteve të Bashkuara, e cila është depozituesi i Traktatit të Atlantikut të Veriut./rtsh.al/
Kurti refuzon t’i japë notë raportit me Ramën: Në kuptimin e...
Përzgjedhja e mjekut familjar – 1 mjek do të ketë deri 2 mij...
Aksidenti në Badovc, Gashi: Dy trupa u gjetën në ujë, një në...
Përmirësohet situata nga përmbytjet në Vlorë, vijon pastrimi...
Jasir Asani në top formë, shënon sërish për fitoren e skuadr...
Aksidenti me tre të vdekur, reagon Rama: Momentet e tilla ja...