Google ADS

Van Dijk heroi i Liverpool, ‘The Reds’ triumfojnë në finalen e Carabao Cup ndaj Chelseas

18:51 | 25 Shkurt 2024
D.H

Liverpooli ka mposhtur skuadrën e Chelseat në finalen e Carabao Cup pas vazhdimeve me rezultat 1-0.

Ky është trofeu i parë i Liverpoolit këtë sezon, shkruan Arbersh.info.

Ndeshja nisi më mirë për “Blutë e Londrës” që realizuan një gol përmes Sterlingut mirëpo ai gol u anulua nga VAR-i, për shkak të pozitës jashtë loje të Nicolas Jackson i cili asistoi për anglezin.

Një tjetër gol u anulua në pjesën e dytë mirëpo kësaj radhe Liverpoolit, ishte Van Dijk realizator megjithatë as ky gol nuk u pranua, për shkak të pozitës jashtë loje të një lojtari të Liverpoolit që u përfshie në aksion.

Deri në fund të 90 minutave pati dhe disa raste mjaft të mira shënime mirëpo pa realizuar dot, asnjëra skuadër.

‘Nxehtë’ ishte edhe në vazhdime kur u godit shtylla nga Chelsea.

Ndërsa momenti kyç i ndeshjes ishte në minutën e 118-të, kur Van Dijku shënoi golin e dytë në këtë ndeshje por kësaj radhe iu pranua dhe ‘Wembley’ ishte në delirë nga tifozët e ‘The Reds’.

Kujtojmë se Liverpooli për herë fundit u shpall kampion në këtë garë, dy vite më parë ku ka mposhtur pikërisht Chelsean në finale./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm