Numri i vdekjeve të shkaktuara nga fotot ‘selfie’ ka tejkaluar numrin e sulmeve fatale të peshkaqenëve, sipas studimit të fundit të publikuar në revistën “Travel Medicine”.

Në 13 vitet e fundit janë regjistruar 379 vdekje të lidhura me ‘selfie’, nga të cilat 140 me turistë, ndërsa janë regjistruar 90 takime fatale me peshkaqenë.

Mesatarisht, viktimat ishin 24 vjeç dhe India, Shtetet e Bashkuara dhe Rusia kanë numrin më të madh të vdekjeve të tilla.

Njerëzit thuhet se po rrezikojnë jetën e tyre për një ‘selfie’ të përsosur, duke çuar në rrëzime fatale në shkëmb, aksidente me automjete dhe trena, takime të rrezikshme me kafshë të egra dhe mbytje.

Autoritetet po ndërmarrin veprime, duke vendosur gjoba dhe madje edhe dënime me burg për sjellje të pamatur të lidhura me ‘selfie-t’ dhe ndalimet e ‘selfie-ve’ po bëhen më të zakonshme në pikat turistike, kështu që Portofino, Itali ka futur një ndalim të përkohshëm të ‘selfieve’ për të parandaluar turistët që të pengojnë trafikun ndërsa bëjnë foto.

Dëshira për vëmendje dhe vërtetim në mediat sociale shpesh nxit sjellje të pamatur, duke i bërë njerëzit të injorojnë paralajmërimet e sigurisë ose të hyjnë në zona të rrezikshme.

Studimi tregoi gjithashtu se në rastet e mëparshme fatale, gratë vriteshin më shpesh kur binin ose takoheshin me kafshë, ndërsa burrat vdisnin kryesisht në aksidente trafiku./abcnews.al