Milani kualifikohet tutje në Europa League, pavarësisht humbjes nga Rennes

21:53 | 22 Shkurt 2024
D.H

Rennes e ka mposhtur Milanin me rezultat 3-2 në ndeshjen e dytë të fazës play-off të Ligës së Evropës, duke mos iu mjaftuar francezëve, pasi kuqezinjtë me fitoren bindëse në përballjen e parë kalojnë tutje.

Milani kishte fituar në “San Siro” me rezultat 3-0, gjë që i mjaftoi për të qenë më i mirë në dy ndeshjet.

Në minutën e 11-të u hap ndeshja, ku Benjamin Bourigeaud shënoi pas asistimit të Baptiste Santamaria për 1-0.

Milani barazoi shpejtë, në minutën e 22-të, kur Theo Hernandez asistoi te Luka Jovic që shënoi për 1-1, rezultat që ishte përfundimtar për pjesën e parë.

Në fillimin e pjesës së dytë, Rennes fitoi penallti, ku nga pika e bardhë i saktë ishte Bourigeaud për 2-1.

Deri në fund nuk kishte më gola dhe Milani kaloi tutje me rezultat të përgjitshëm prej 5-3. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm