Jurgen Klopp do të ishte trajneri ideal i Gjermanisë, sepse ai simbolizon të gjitha qëndrimet gjermane dhe njerëzit do ta donin këtë, tha ish-kapiteni i kombëtares gjermane, 47-vjeçari Michael Ballack, në pod-castin anglez, Football’s Greatest.
Klopp njoftoi muajin e kaluar se do të tërhiqet si trajner i Liverpoolit në fund të këtij sezoni dhe tha se planifikon të pushojë përpara një emërimi të ri të mundshëm.
Në Gjermani, 56-vjeçari është konsideruar prej kohësh si kandidati kryesor për pozicionin përzgjedhës që mban aktualisht Julian Nagelsmann, por kontrata e tij aktuale skadon në fund të Kampionatit Evropian të këtij viti, të cilin Gjermania po e organizon.
“Në zhvillimin normal të karrierës së tij, ai një ditë duhet të bëhet trajner i kombëtares gjermane”, tha Michael Ballack dhe shtoi: “Do të donim ta shohim një ditë, sepse ai ka atë cilësi dhe karakter që në fakt simbolizon të gjitha qëndrimet gjermane. Ne kemi nevojë për një lider si ai. Sa herë që është gati, mendoj se njerëzit do ta pëlqejnë atë”, përfundoi ai.
Kujtojmë se Klopp ka fituar të gjithë trofetë e mundshëm me skuadrën e Liverpool, duke triumfuar me Reds pas 30 vjetëve në Premier League./Arbresh.info/
“Travel and Tour World”: Shqipëria moment historik të ri në ...
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...