Spitali i Përgjithshëm i Gjakovës ka reaguar pas raportimeve për vdekjen e një vajze 4-vjeçare e cila fillimisht ishte trajtuar në këtë spital.
Në reagimin e tyre thuhet se në lidhje me raportimet, rasti fillimisht ishte referuar nga urgjenca e mjekësisë familjare, për në Repartin e Pediatrisë.
“Spitali i Përgjithshëm “Isa Grezda”, në Gjakovë, në lidhje me raportimet për trajtimin e fëmiut (4 vjeçar), fillimisht ju njofton se me datë 16 shkurt 2024, rasti ishte referuar nga urgjenca e mjekësisë familjare, për në Repartin e Pediatrisë, ku pas konsultimit me Pediatrin, Ortopedin dhe Kirurgun , fëmija ndalohet për trajtim të mëtejmë në repartin e Kirugjisë”, thuhet në reagimin e tyre.
Tutje thuhet se, nga sptitali kanë ofruar të gjitha dokumentet e kërkuar nga Policia dhe Prokuroria.
“Lidhur me rastin në fjalë, ju njoftojmë se Policia e Kosovës, dhe Prokuroria kanë filluar hetimet. Spitali i Përgjithshëm në Gjakovë, ka ofruar të gjithë dokumentacionin e kërkuar që nga momenti i pranimit të rastit, e deri në momentin e referimit të pacientes për QKUK. Shprehim ngushëllime familjes me rastin e humbjes së fëmijës së tyre, bashke ndjejmë me familjen”, përfundon reagimi i tyre.
Lidhur me këtë rast ka reaguar edhe Shoqata e të Drejtave të Pacientëve në Kosovë – PRAK, duke thënë se kanë pritur me shqetësim këtë lajm.
Sipas PRAK, kjo ka të bëj me një menaxhim jo të mirë të rastit, si dhe ka kritikuar rëndë sistemin shëndetësor, mungesën e profesionalizmit dhe neglizhencën e një pjese të stafit shëndetësor në menaxhimin e rasteve./Arbresh.info/
LEXO EDHE:
Vdekja e 4 vjeçares nga Gjakova, reagon Shoqata e të Drejtave të Pacientëve
Shea: Zhgënjyese që Serbia s`po bashkëpunon për rastin e Ban...
Prishtina shënon fitoren e parë në elitën e basketbollit kos...
Scholz: E përsëris, nuk do të furnizoj Ukrainën me raketa ‘T...
Osmani flet për qëndrueshmërinë e grave në luftë dhe progres...
Dy golëshi i Zhegrovës i pamjaftueshëm për të marr fitoren L...
Porsche me motorin elektrik të Teslas