Bayern Munichu njoftoi sot se në fund të këtij sezoni do t’i ndajë rrugët me trajnerin Thomas Tuchel.
Palët kanë rënë dakord që ta ndërpresin bashkëpunimin pasi gjiganti bavarez po e kalon një sezon negativ, ku ka mbetur prapa Bayer Leverkusenit në Bundesligë dhe e humbi lojën e parë të së tetës së finales së Ligës së Kampionëve nga Lazio.
Menjëherë pasi u bë zyrtar vendimi, kanë nisur të qarkullojnë spekulime se kush do ta pasojë ish-trajnerin e Paris Saint-Germainit dhe të Chelseat në “Allianz Arena”.
Gazetari i “Sky Sport Germany”, Florian Plettenberg zbulon se Xabi Alonso është kandidati absolut favorit për ta marrë në dorë ekipin bavarez nga edicioni i ardhshëm, përcjell “Gazeta Express”.
Trajnerit spanjoll po i ecin punët për mrekulli me Bayer Leverkusenin, me të cilin së bashku me Granit Xhakën mund ta fitojë titullin e kampionit në Gjermani.
Gjithashtu, në radarin e kampionit aktual gjerman është edhe trajneri i Liverpoolit, Jurgen Klopp, i cili e ka konfirmuar largimin nga “Anfield Road” në fund të këtij sezoni.
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...