Champions League do të vazhdojë sonte me dy ndeshjet e fundit të së tetës së finales.
Dueli kryesor i natës do të jetë ai mes Napolit dhe Barcelonës.
Amir Rrahmani me shokë do të përballen me katalunasit të prirë nga trajneri i tyre i ri, Francesco Calzona, i cili dy ditë më parë e zëvendësoi të shkarkuarin Walter Mazzarri.
Trajneri i ri i napolitanëve ka thënë se gjithçka është e mundshme, duke besuar se kampioni aktual i Italisë do të mundë ta eliminojë kampionin aktual të Spanjës, shkruan “Gazeta Express”.
Nga ana tjetër, trajneri Xavi Hernandez nuk e konsideron ekipin e tij favorit duke insistuar se gjasat janë 50 me 50 për të dyja ekipet.
Katalunasit po kalojnë nëpër momente të vështira në këtë edicion dhe trajneri Xavi e ka zyrtarizuar largimin në fund të sezonit.
Napoli do të mundë të llogarisë nga minuta e parë në të rikthyerin Victor Osimhen, i cili rikthehet nga Kupa e Kombeve të Afrikës pasi s’kishte luajtur për napolitanët që nga 23 dhjetori.
Tek Barça pritet të rikthehet Joao Felix, ndërsa ekipi mbetet pa Alejandro Balde, Gavi, Ferran Torres, Marcos Alonso e Sergi Roberto.
Sa u përket përballjeve paraprake, katalunasit i kishin fituar dy ndeshjet e mëparshme në fazën eliminuese, ndërsa dy ndeshje kishin përfunduar baras, me Napolin që s’ka fituar asnjëherë ndaj Barçës.
Në fazën e grupeve, Napoli e mbylli grupin në vendin e dytë prapa Real Madridit.
Ndërsa, Barça ishte lidere e grupit të saj duke e lënë prapa Porton.
E kjo e fundit do të jetë pjesë e një sfide tjetër interesante sonte.
Portugezët do ta presin Arsenalin, i cili ishte lider i grupit të tij në fazën e grupeve.
Të dyja ekipet do të mundohen të nxjerrin rezultat të favorshëm në lojën e parë para përballjes së tyre të dytë në “Emirates Stadium”.
Dy ndeshjet e sontme të Championsit do të nisin në orën 21:00.
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...