Gërvalla demanton lajmin se ka kërkuar largimin e ambasadorit gjerman: Marrëzia nuk paska fund

14:15 | 20 Shkurt 2024
K.B

Ministrja e Punëve të Jashtme, Donika Gërvalla ka reaguar pas raportimeve se ka kërkuar tërheqjen e ambasadorit gjerman në Kosovë, Jorn Rohde.

Me anë të një reagimi në Facebook, Gërvalla shkruan se lajmi është i pavërtetë dhe aq absurd.

Ajo thotë se është në në vazhdën e fushatave dhe sulmeve të përditshme ndaj meje dhe institucionit që drejtoj.

“Pretendimi që kinse paskam kërkuar largimin e ambasadorit gjerman Rohde është sa i pavërtetë, aq edhe absurd. Është në vazhdën e fushatave dhe sulmeve të përditshme ndaj meje dhe institucionit që drejtoj”, shkruan Gërvalla.

Ministrja shkruan tutje që nuk duhet të befasohet kur të lexojnë lajmet që ajo ka kërkuar edhe shkarkimin e Kancelarit Scholz dhe Ministres së Jashtme Baerbock.

“Nuk duhet të befasohemi kur të lexojmë që kam kërkuar edhe shkarkimin e Kancelarit Scholz dhe Ministres së Jashtme Baerbock. Marrëzia nuk paska fund”, shkruan ministrja./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm