Google ADS

Begaj uron Pavarësinë: Kosova është një histori suksesi në Ballkan

09:01 | 17 Shkurt 2024
K.B

Presidenti i Shqipërisë, Bajram Begaj ka uruar Pavarësinë e Kosovës.

Begaj tha se sot është një histori suksesi në Ballkan në respektimin e të drejtave të njeriut, me kulturën e saj.

“Kosova 16 vjet Republikë. Ajo sot është një histori suksesi në Ballkan në respektimin e të drejtave të njeriut, me kulturën e saj të gjallë dhe energjinë rinore të një populli që sheh përpara”, ka shkruar ai.

Ai tutje ka thënë se Kosova është një , shtet i pavarur, është një faktor pozitiv.

Ndërsa tha se Kosova dhe Shqipëria janë një komb me një gjuhë e një kulturë.

“Kosova, shtet i pavarur, është një faktor pozitiv, paqedashës dhe i rëndësishëm për sigurinë në rajonin tonë. Jemi dy shtete, por një komb me një gjuhë e një kulturë. Ne duhet ta shfrytëzojmë këtë mundësi të artë për të treguar se jemi të aftë të ndërtojmë shtete moderne sipas parimeve demokratike, në bashkëpunim e bashkërendim me partnerët tanë, SHBA-në dhe BE-në. Gëzuar, Kosovë”, ka shkruar presidenti shqiptar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm