Trupi gjykues në çështjen gjyqësore ndaj ish-krerëve të UÇK-së e ka miratuar tërheqjen e Gregory Kehoe si mbrojtës kryesor i Thaçit.
Gjykata Speciale përmes një njoftimi ka bërë të ditur se vendimi hyn në fuqi atëherë kur administratorja e cakton mbrojtësin zëvendësues.
“Duke marrë parasysh se Thaçi dhe Lluka Mishetiq (aktualisht njëri nga mbrojtësit e Thaçit) u pajtuan që Mishetiqi të zëvendësojë Kehoun, Trupi Gjykues ftoi palët dhe Administratoren që të ndërmarrin hapat e nevojshëm për të caktuar Mishetiqin si kryembrojtës të Thaçit sa më shpejtë që të jetë e realizueshme”, theksohet në njoftim.
Po ashtu, trupi gjykues ka miratuar tërheqjen e mbrojtësit tjetër të Thaçit, Joe Reeder, ndërsa ka udhëzuar administratoren që të marrë vendim në lidhje me kërkesën për tërheqjen e tre ndihmësve juridik dhe pesë ndihmësve të ekipit.
Për shkak të mospërmbushjes së obligimeve financiare, ekipi mbrojtës i Thaçit në krye me Kehoen pati kërkuar tërheqjen nga përfaqësimi i Thaçit në rastin për krime lufte dhe krime kundër njerëzimit para Dhomave të Specializuara në Hagë./rtk/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...