Sot është raportuar se një automjet që po transportonte dinarë serbë është ndaluar në pikëkalimin kufitar me Serbinë në Jarinjë, ndërkaq lidhur me këtë rast janë deklaruar edhe nga Dogana e Kosovës
Zëdhënësi i Doganës, Adriatik Stavileci tha për Arbresh.info se në këtë pikëkalim kufitar u paraqitën disa persona si përfaqësues të “Komercijalna Banka” e cila është mbyllur.
“Ne pike kalimin kufitar te Jarinjes jane paraqitur disa persona qe pretendojne se perfaqesojne Komercijalna Banka, e cila tashme eshte mbyllur. Keta persona jane interesuar per proceduren e levizjese se parave te gatshme, te njejtit jane udhezuar qe te ndjekin njoftimet e BQK derisa Dogana e Kosoves poashtu zbaton normat e njejta ligjor”, tha Stavileci.
Ndryshe, mediat në Serbi sot kanë raportuar se një automjet që po transportonte dinarë serbë është ndaluar në pikëkalimin kufitar me Serbinë në Jarinjë.
Që nga 1 shkurti, në Kosovë është në fuqi një rregullore e Bankës Qendrore të Kosovës, e cila thotë se vetëm euroja është valuta për pagesa me para të gatshme, duke ndaluar përdorimin e dinarit serb.
Banka Qendrore e Republikës së Kosovës, kishte njoftuar se Komercijalna Banka AD Beograd, ka mbyllur të gjitha degët në Republikën e Kosovës më 31 janar 2024./Arbresh.info
LEXO EDHE:
Pacolli shtyen presidencën që të loboj më shumë në shtetet a...
S`ka fitues në derbin e Madridit
Cikloni “John” godet Meksikën, shkon në 24 numri i viktimave
Nuk është Italia dhe as Spanja/ Ju prezantojmë me vendin e t...
Disa Lamborghini dhe vetura të tjera ‘të humbura prej kohësh...
Kuriozitete! Faktet që nuk dimë për muajin shtator