Ylli fiton me lehtësi ndaj Vëllaznimit, i bashkohet Trepçës në gjysmëfinale

22:44 | 13 Shkurt 2024
KRG

Golden Eagle Ylli shënoi fitore ndaj Vëllaznimit me rezultat 76:58 (31:12, 18:19, 12:14, 15:13), duke u kualifikuar në gjysmëfinale, ku të enjten përballet me Trepçën.

Therandasit e nisën ndeshjen për mrekulli me një seri prej 15:5 dhe e thelluan më shumë në çerekun e parë për të fituar këtë pjesë 31:12. Lojë më e barabartë u zhvillua në periudhën e dytë, që përfundoi 18:19, derisa skuadrat shkuan në pushim me shifrat 49:31.

Ylli ruajti epërsinë në pjesën e dytë, përkundër tentimeve nga kuqezinjtë dhe triumfuan 76:58.

Alonzo Verge Jr ishte më i miri te Golden Eagle Ylli me 18 pikë, katër kërcime dhe gjashtë asistime, kurse te kuqezinjtë më i miri ishte Jordan Dallas me 14 pikë e 11 kërcime. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm