Google ADS

Prishtina fiton ndaj Feronikelit, Dukagjin triumfon me rikthim ndaj Malishevës

15:48 | 11 Shkurt 2024
D.H

Prishtina ka arritur të shënoj fitore me rezultat 2-0 ndaj Feronikelit’74 në ndeshjen hapëse të sezonit pranveror në Superligën e Kosovës në Futboll.

Jalen Blesa në minutën e 22-të shënoi golin e parë për kryeqytetasit, shkruan Arbresh.info.

Teksa Mërgim Pefqeli shënoi për 2-0 nga pika e bardhë e penalltisë, në minutën e 57-të.

Pas kësaj fitore Prishtina është e katërta me 29 pikë, kurse Nikli i shtati me 21 sosh.

Triumf arriti edhe Dukagjini i Klinës që mposhti Malishevën me rikthim.

Fillimisht ishte Drilon Hazrollaj që krijoi epërsinë për Malishevën në minutën e 44-të.

Mirëpo klinasit u rikthyen fuqishëm në pjesën e dytë për të shënuar fitore.

Zulfiu ishte ai që barazoi rezultatin në minutën e 58-të.

Ndërkohë shtatë minuta më vonë Silva shënoi për të kompletuar rikthimin.

Pas kësaj fitore Dukagjini ka 27 pikë dhe ndodhet në vendin e gjashtë kurse dy më shumë ka Malisheva që renditet një pozicion më lartë në tabelë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm