Google ADS

Ceremoni me rastin e 104- vjetorit të Tiranës kryeqytet, Begaj: Sot ruajmë traditat më të mira

15:00 | 11 Shkurt 2024
K.B

Me rastin e 104-vjetorit e shpalljes së Tiranës Kryeqytet, Presidenti i Shqipërisë,  Bajram Begaj ka vlerësuar kryeqytetin tonë të përbashkët siç ai e konsideron si model ku Tiranë gjendet e gdhendur një pjesë e historisë së popullit tonë.

Në një dalje për mediat, Begaj bën thirrje për vazhdimin e ruajtjes së traditat dhe kulturave më të mira.

“Si sot e 104 vite më parë janë hedhur gurët e themelit për kryeqytetin model. Në Tiranë gjendet e gdhendur një pjesë e historisë së popullit tonë.

Tirana sot është në ditët e saj më të mira, e gjallëruar dhe plot jetë. Ajo e ruan fort kulturën e mirëseardhjes, traditat.

Është detyra jonë të vazhdojmë të ruajmë traditat më të mira dhe të kontribuojmë në pasurimin e jetës së kryeqytetit, të Tiranës që nuk njeh moshë, të Tiranës tonë të përbashkët“, u shpreh Begaj.

Me rastin e 104-vjetorit e shpalljes së Tiranës Kryeqytet, bashkia organizoi aktivitete të shumta me muzikë, sport dhe zona argëtimi për të gjitha grupmoshat./rtsh

Shpërndaje në rrjete sociale

Lajmet më të lexuara

Të ngjashme

Foto lajm