Balla: I kemi dorëzuar EBA-s marrëveshjen e ekstradimit

23:00 | 9 Shkurt 2024
K.B

Shqipëria i ka dorëzuar Emirateve të Bashkuara draft-marrëveshjen për ekstradimin e personave të kërkuar nga autoritetet shqiptare.

Lajmi u dha nga ministri i Brendshëm, Taulant Balla gjatë inspektimit të ambienteve të reja të Drejtorisë së Policisë Dibër.

Teksa u ndal tek arrestimi në Dubai i ish-anëtarit të bandës së Durrësit, Julian Meçaj, Balla u shpreh optimist për të finalizuar operacionin për ekstradimin e tij drejt Shqipërisë.

Për të inspektuar nga afër godinën e rikonstruktuar të Drejtorisë Vendore të Policisë Dibër, e pranishme ishte dhe zëvendëskryeministrja, Belinda Balluku.

Godina e re du u shërbejë 300 efektivëve të policisë, pasi krahas Drejtorisë Vendore të Dibrës do të instalohet edhe Komisariati i Policisë si dhe komisariati i Kufirit dhe Migracionit./Tv Klan

Shpërndaje në rrjete sociale

Lajmet më të lexuara

Të ngjashme

Foto lajm