Kryetari i Kuvendit të Kosovës, Glauk Konjufca, gjatë qëndrimit në Estoni, përveç takimeve zyrtare me krerët shtetërorë, ka vizituar sot Qendrën e-Estonia dhe NATO Cooperatice Cyber Defence Centre of Exellence.
Kreu i Kuvendit u njoh me rëndësinë e mbrojtjes nga sulmet kibernetike, si një rrezik i sigurisë kombëtare të shteteve i cili po rritet gjithnjë e më shumë.
Ai vlerësoi se për rrjedhojë avancimi i dixhitalizimit dhe siguria kibernetike duhet të zhvillohen përkrah njëra-tjetrës, përderisa Estoninë e konsideroi shembull lider të transformimit dixhital të qeverisjes dhe shërbimeve publike, nga përvoja e të cilës mund të përfitojë Kosova.
“Dixhitalizimi i qeverisjes është një orientim në funksion të rritjes së cilësisë shërbimeve publike të cilin duhet ta ndjekë edhe Kosova. Të rinjtë e Kosovës të shquar për prirjen e tyre në fushat e teknologjisë duhet t’i orientojmë edhe kah ky aspekt i sigurisë i cili do të jetë krucial për sigurinë tonë kombëtare në të ardhmen”, tha Konjufca./Arbresh.info
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...