Grabitet një lokal në Prishtinë nën kërcënimin e armës së zjarrit

18:52 | 5 Shkurt 2024
E.H

Një grabitje nën kërcënimin e armës së zjarrit ka ndodhur sot rreth orës 17:00 në rrugën “Agim Ramadani” në Prishtinë.

Lajmin për Arbresh.info e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.

Ajo tha se dyshohet se në këtë rast janë grabitur një shumë e parave.

“Sot rreth orës 17:00 është raportuar për një grabitje të ndodhur në një lokal në Prishtinë. Pas marrjes së informacionit policia ka dalë në vendngjarje dhe bazuar në informacionet e para, dyshohet se nën kërcënim të armës është grabitur një shumë parash”, ka njoftuar Ahmeti.

“Policia në koordinim me prokurorinë po ndërmerr veprimet e nevojshme policore me qëllim zbardhjen e rrethanave të rastit”, shtoi Ahmeti./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm