Në Ministrinë e Mbrojtjes është realizuar takimi bilateral në fushën e mbrojtjes dhe sigurisë mes Departamentit për Bashkëpunim Ndërkombëtar të MM dhe përfaqësuesve të Forcave të Armatosura të Mbretërisë Hashemite të Jordanisë.
Sipas njoftimit, me këtë rast, është nënshkruar plani bilateral i aktiviteteve për vitin 2024, plan i cili do të ofrojë trajnime profesionale dhe të avancuara për pjesëtaret e FSK, përcjell Arbresh.info.
“Plani bilateral u nënshkrua nga drejtori i Politikave të Mbrojtjes, z. Faruk Geci dhe Drejtori i Planifikimit dhe Organizimit nga ushtria Jordaneze, Gjeneral Brigade Tariq Al Hajaia.”, thuhet në njoftimin e ministrisë.
Përveç nënshkrimit te planit bilateral, gjatë këtij takimi u diskutua për situatën e sigurisë në Republikën e Kosovës dhe në rajon si dhe nevojën e rritjes së bashkëpunimit mes të dy Ministrive të Mbrojtes dhe ushtrive të dy vendeve.
Në fund të takimit palët u pajtuan që në të ardhmen të zgjerohen fushat e bashkëpunimit edhe me aktivitete tjera me interes reciprok./Arbresh.info/
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...