Google ADS

Procedohen pagat me rritje për sektorin publik, Murati: Kjo e bën pagën mesatare bruto 780 euro

20:35 | 31 Janar 2024
E.G

Ministri i Financave, Hekuran Murati ka njoftuar se sot janë proceduar me rritje pagat e muajit janar për sektorin publik.

Murati me anë të një postimi në Facebook, ka thënë se kjo e bën pagën mesatare bruto prej 780 euro në muaj në sektorin publik, shkruan Arbresh.info.

“Sot janë proceduar me rritje pagat e muajit janar për sektorin publik, me koeficientin e ri prej 110 euro, të përcaktuar me Ligjin e Buxhetit për vitin 2024. Kjo e bën pagën mesatare bruto 780 euro/muaj në sektorin publik.”, njoftoi ai.

Ndër të tjera, ai tha se buxheti për paga në vitin 2023 ishte për 17% më i lartë sesa viti paraprak.

“Kurse sivjet shtohen edhe 5% tjera, duke u siguruar kështu që rritja në vazhdimësi të tejkalojë normën e inflacion, që për vitin 2022 ishte 11.6% ndërsa për vitin 2023 ishte 4.9%.”, shtoi ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm