Kreu i LDK-së, Lumir Abdixhiku, ka kritikuar përfshirjen e mundshme të kryeministrit Albin Kurti në zgjedhjet e Maqedonisë së Veriut.
Me anë të një postimi në Facebook, Abdixhiku ka shkruar se Shqipëria po shkon drejt pagës 950 euro për mësues, derisa sipas tij Kurti është i zënë me zgjedhjet ndërshqiptare në Maqedoni.
“Shqipëria drejt pagës 950 euro për mësues! Po, plot 950 euro për mësues! Gjersa kryepopullisti ynë është i zënë me zgjedhjet ndërshqiptare në Maqedoni, edhe krahasimi me vendet fqinje ka nisë të mos ketë më kuptim”, ka shkruar Abdixhiku.
Lideri i LDK-së, thekson se Kurti është në vitin e katërt të qeverisjes por që sipas tij nuk po vërehet asnjë shenjë pozitive.
“Është në vitin e katërt të Qeverisë. Do të ketë menaxhuar plot 12 miliardë euro për këto katër vjet; më shumë se secili njeri në histori të vendit; dhe prap asnjë shenjë! Propagandë, fjalë të thata e përçarje urrejtëse – ky është diskursi politik sot!”.
Ai tutje, ka shtuar se me qeverisjen e LDK-së pagat do të rriten për 23%.
“Kohë për të humbur nuk kemi! ‘Rruga e Re’ është zgjidhja. Me Rrugën e Re dhe Rrogat e Reja. 23% më shumë se sot!”, ka përfunduar Abdixhiku./Arbresh.info
Biden: Armëpushimi është i mundshëm në Liban, por më i vësht...
Përjashtohen me 10 ditë nga seancat deputetët e PD-së Elda H...
Zinedine Zidane nuk kishte asnjë dyshim kur emëroi golin ‘më...
Haradinaj në Universitetin e Chicagos: Kosova pret me paduri...
Certifikohen zyrtarët policorë nga Kosova dhe Shqipëria në “...
Ushtarët e ri të FSK-së, Ministria e Mbrojtjes tregon se si ...