Policia ndalon një person në Leposaviq, hyri ilegalisht nga Serbia në Kosovë

10:13 | 30 Janar 2024
Rreze Sylhasi

Policia e Kosovës ka njoftuar se një person ka hyrë me veturë ilegalisht nga Serbia në Kosovë.

Bëhet e ditur se i dyshuari serb kishte ngarkuar në veturë një makinë pompuese të vajit, shkruan Arbresh.info.

Sipas Policisë, automjeti me ngarkesën janë dërguar në doganë, ndërsa i dyshuari pas intervistimit është liruar.

“Leposaviq / 29.01.2024 – 23:00. Policia përmes kamerave të sigurisë ka vërejtur se një automjet ka hyrë ilegalisht nga territori i Serbisë në Republikën e Kosovës. Patrulla policore ka arritur ta ndalojë automjetin në fjalë që drejtohej nga i dyshuari mashkull serb i cili kishte të ngarkuara në automjet një makinë pompuese të vajit. Automjeti me ngarkesën është dërguar në terminalin doganor, ndërsa i dyshuari pas intervistimit me vendim të prokurorit është liruar në procedurë të rregullt”, shkruhet në raportin 24-orësh./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm