Fullkrug shënon hattrick, Dortmund triumfon ndaj Bochumit

19:28 | 28 Janar 2024
D.H

Borussia Dortmund ka arritur të triumfoj ndaj Bochumit me rezultat 3-1, në kuadër të xhiros së 19-të.

Fullkrug ishte ai që hapi këtë ndeshje me golin e tij në minutën e 7-të, shkruan Arbresh.info.

Ndërsa në minutën e fundit të pjesë së parë Schlotterbeck shënoi në portën e tij për të barazuar sfidën në 1-1.

Heroi i Dortmundit gjatë ndeshjes së sotme ka qenë Fullkrug i cili gjeti rrugën e rrjetës edhe njëherë tjetër për të dërguar shifrat në 2-1 në minutën e 72-të.

Pikërisht i njëjti ka kompletuar hattrickun në minutën e parë të shtesës, duke shënuar nga penalltia dhe për të siguruar fitoren e verdhezinjëve me rezultat 3-1.

Pas kësaj fitore Dortmundi ngritët në pozitën e katërt me 36 pikë kurse Bochumi është i 14-ti me 20 pikë./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm