Lajçak viziton nesër Serbinë, takohet me Vuçiqin

16:06 | 28 Janar 2024
D.H

I dërguari i BE-së për dialogun Kosovë – Serbi, Miroslav Lajçak, do të vizitojë nesër Serbinë.

Lajçak do të takohet me Vuçiqin nesër në ora 12:30, raporton Kossev.

Presidenca serbe nuk konfirmoi se do të ketë një konferencë të përbashkët, por tha se pas takimit do të dërgohet një komunikatë për media.

Gjithashtu nuk janë bërë të ditura temat që do të diskutohen, ashtu si arsyeja e vizitës.

Por takimi mbahet dy ditë para se të hyjë në fuqi rregullorja e re e Bankës Qendrore të Kosovës për përjashtimin e dinarit serb si valutë e përdorshme për transaksione në vend.

Komuniteti ndërkombëtar është shprehur i shqetësuar për këtë vendim, duke i kërkuar Kosovës konsultim me komunitetet. Sot, QUINT-i kërkoi pezullimin e këtij vendimi.

Shpërndaje në rrjete sociale

Lajmet më të lexuara

Të ngjashme

Foto lajm