Zvicra tha të shtunën se nuk do të merret asnjë vendim për pagesën e pritshme të ndihmës për agjencinë e OKB-së për refugjatët palestinezë UNRWA, derisa të sqarohen “akuzat serioze” kundër disa punonjësve të UNRWA-s, raporton AFP.
Ministria e Jashtme zvicerane tha se ishte “jashtëzakonisht e shqetësuar” për pretendimet se disa anëtarë të stafit të UNRWA ishin të përfshirë në sulmet e Hamasit të 7 tetorit brenda Izraelit, transmeton Klankosova.tv.
UNRWA tha të premten se kishte ndërprerë lidhjet me disa punonjës lidhur me akuzën izraelite dhe nisi një hetim. Mbretëria e Bashkuar, Italia, Kanadaja, Australia dhe ShBA kanë pezulluar të gjitha fondet për UNRWA.
Dhoma e ulët e parlamentit të Zvicrës me prirje të djathtë u përpoq gjatë diskutimeve të përgjithshme të buxhetit muajin e kaluar t’i hiqte UNRWA-s fondet e saj vjetore, por dhoma e sipërme e kundërshtoi masën.
Parlamenti përfundimisht arriti një kompromis për të shkurtuar 10 milion franga nga buxheti i përgjithshëm i financimit humanitar, pa specifikuar se ku duhet të kursehen paratë. Ai tha se të gjitha kontributet për ndihmën humanitare në Lindjen e Mesme do të paguhen me këste dhe vetëm pas konsultimit me komisionet parlamentare të politikës së jashtme.
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...