Një gjykatë holandeze ka vendosur që autoritetet mund të përdorin armë “paintball-i” për të qëlluar ujqërit në një park kombëtar popullor për t’i trembur ata.
Gjykata e qarkut të Holandës qendrore tha në një vendim se një ujk në Parkun Kombëtar Hoge Veluwe u pa duke iu afruar këmbësorëve dhe çiklistëve, edhe këtë sjellje e konsideroi jonormale, raporton AP.
Theksojmë që në Holandë, ujqërit mbrohen dhe nuk mund të gjuhen.
Një organizatë e kafshëve të egra që kundërshton planin tha se do të apelojë vendimin.
Dy shekuj pasi ujqërit përfunduan drejt zhdukjes në Holandë, kafshët u rikthyen sërish në vitin 2019, kur disa kafshë kaluan kufirin nga Gjermania dhe lindën tre këlyshë në tokën holandeze.
Komisioni Evropian njoftoi vitin e kaluar se po shqyrtonte reduktimin e masave për mbrojtjen e kafshëve për shkak të shqetësimeve të fermerëve për bagëtinë e tyre.
Ekspertët dhe grupet mjedisore vlerësojnë se mund të ketë deri në 19,000 ujqër në 27 vendet anëtare të BE-së dhe mendohet se janë më shumë se 1,000 në Bullgari, Greqi, Itali, Poloni, Rumani dhe Spanjë./abcnews.al
Rumania përballet me rrezikun e përmbytjeve
Kurti: Vitin e ardhshëm do të nënshkruhet Marrëveshja për ba...
Kuvendi Komunal i Prishtinës thërret mbledhje të jashtëzakon...
Ish-lojtari i Man Utd zbulon se si iu desh të largohej nga k...
“Kosova dhe Çekia me marrëdhënie shumë të mira bilater...
Gërvalla bën homazhe tek varrezat e vëllezërve Bytyqi në New...