Kryetari i PDK-së, Memli Krasniqi, ka pritur në takim shefin e Zyrës së BE-së në Kosovës, Tomas Szunyog, ambasadorin e Gjermanisë, Jorn Rohde, atë Francës, Olivier Guerot, dhe ambasadorin e Italisë, Antonello De Riu.
Me anë të një postimi në Facebook, Krasniqi ka bërë të ditur se në këtë takim kanë diskutuar për zhvillimet e përgjithshme në vend, me theks të veçantë zhvillimet politike dhe të sigurisë.
Krasniqi ka siguruar ambasadorët se partia që udhëheq do të luajë rolin konstruktiv që i shërben interesit qytetar dhe të ardhmes euroatlantike të Kosovës.
“Në takimin e përbashkët diskutuam për zhvillimet e përgjithshme në vendin tonë, me theks të veçantë ato politike dhe të sigurisë. Ambasadorët evropianë i falënderova për përkushtimin dhe kontributin e tyre në kultivimin e paqes, sigurisë dhe stabilitetit në Kosovë dhe i sigurova se edhe sot, kur Kosova po kalon nëpër sfida të natyrave të ndryshme, PDK do të luaj rolin e saj konstruktiv që i shërben interesit qytetar dhe të ardhmes euro-atlantike të shtetit tonë”, përfundon Krasniqi./Arbresh.info
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...