Këshilli i Sigurimit i OKB-së do të mblidhet të martën për të diskutuar dhunën e paprecedentë të përhapur në të gjithë Lindjen e Mesme dhe për të bërë thirrje që Izraeli të heqë kufizimet e tij për ndihmën në Gaza, si dhe të pranojë se një shtet i ardhshëm palestinez është i nevojshëm për sigurinë e tij.
Por SHBA-ja do t’i rezistojë thirrjeve të reja nga Liga Arabe për këshillin e sigurisë për t’i kërkuar Izraelit të pranojë një armëpushim të menjëhershëm që do ta linte Hamasin në pushtet në Gaza.
Pjesë e mbledhjes do të jetë dhe Kina, e cila do të bëjë thirrje për njohjen e Palestinës si një hap drejt zgjidhjes së dy shteteve.
Përpara takimit, ministri i Jashtëm rus, Sergei Lavrov, u takua me homologun e tij iranian, Hossein Amir-Abdollahian, në Nju Jork për t’i kërkuar Izraelit të binte dakord për një armëpushim dhe të paralajmëronte SHBA-në që të mos përhapin konfliktin.
Takimi vjen në sfondin e një sulmi të dytë të koordinuar SHBA-Mbretëria e Bashkuar ndaj bastioneve Houthi në Jemen, si dhe lajmet për intensifikimin e luftimeve në Gazën jugore.
“Në të njëjtën kohë që Amerika dhe Anglia nisën sulmet e saj kundër Jemenit, pamjet satelitore tregojnë se 230 anije tregtare dhe nafte po lëviznin në Detin e Kuq dhe kjo tregon se ata e kanë kuptuar mesazhin e Jeminit se po ndalojnë vetëm anijet që shkojnë në portet e regjimit sionist” tha diplomati iranian.
Ai shtoi se i kishte thënë sekretarit të jashtëm të Mbretërisë së Bashkuar, David Cameron, javën e kaluar në Davos: “Veprimi juaj në përshkallëzimin e tensionit në Detin e Kuq dhe kundër Jemenit është një gabim strategjik”.
Ministri i Jashtëm turk Hakan Fidan dhe ministri i jashtëm francez Stephane Sejourne janë ndër ministrat e jashtëm që kanë udhëtuar në Nju Jork për debatin e hapur që ka të ngjarë të dëgjojë kritika të shumta se Izraeli nuk ka vepruar sipas një rezolute të Këshillit të Sigurimit të OKB-së të miratuar para Krishtlindjeve./abcnews.al
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...