Kryeministri i Republikës së Kosovës, Albin Kurti, zhvilloi sot një bashkëbisedim me një grup të madh studentësh nga më shumë se 30 shtete të ndryshme të botës, që ndjekin studimet master në Vjenë të Austrisë dhe Venedik të Italisë. Ky grup studentësh po qëndrojnë në Kosovë në kuadër të një vizite studimore.
Ai i njoftoi ata me rezultatet kryesore të qeverisjes, reformat e ndërmarra dhe disa prej politikave kryesore të qeverisë, përcjell Arbresh.info.
Këtu ai veçoi shtesa për nënat e reja dhe fëmijët si dëshmi e kujdesit institucional për familjen, platformën e punësimin për të rinj SuperPuna, vendimin për ta bërë arsimin e lartë falas për të gjithë dhe rritjen eksponenciale të numrit të bursave për studentë sidomos në fushat STEM, mbështetjen për komunitetet jo-shumicë në vend, vëmendjen e shtuar ndaj efiçiencës së energjisë si në shtëpi private ashtu edhe në biznese, dhe investimet në energjinë e ripërtëritshme.
Pas prezantimit hyrës të kryeministrit, studentët dhe profesorët e pranishëm parashtruan pyetje dhe zgjeruan diskutimin sipas fushave të tyre të interesit. Studentët dhe profesorët e pranishëm falënderuan kryeministrin Kurti për mundësinë dhe gatishmërinë e tij për t’i mirëpritur e për të diskutuar hapur. /Arbresh.info/
Kosova pjesë e marrëveshjes së ShBA-së për inteligjencë arti...
BE ankesë në OBT ndaj Kinës
“Shqipëria, një perlë e vërtetë e Ballkanit”
Sri Lanka, merr detyrën presidenti i majtë pas fitores së gj...
Komuna e Prishtinës në pritje të votimit të buxhetit për vit...
Qeveria emërton rrugën Ballaban – Banjskë me emrin e heroit ...