Rajoni i Pejës dhe Gjakovës përballen me ndërprerje të energjisë pas reshjeve të borës

12:24 | 20 Janar 2024
K.B

Përshkak të reshjeve të shumta të borës, disa zona më të afektuara në rajonin e Gjakovës dhe Pejës kanë qenë jashtë funksionit.

Kompania Kosovare për Distribuim të Energjisë Elektrike KEDS, ka njoftuar se kanë angazhuar ekipe shtesë me qëllim të rikthimit në funksion të tyre.

“Në rajonet e afektuara nga reshjet e borës dhe erërat e forta, disa dalje janë jashtë funksionit. KEDS ka angazhuar ekipe shtesë me qëllim të rikthimit në funksion të tyre. KEDS informon të gjithë konsumatorët e afektuar se po punohet intensivisht deri në rikthimin në funksion të energjisë elektrike tek të gjithë konsumatorët, për çka kërkon mirëkuptimin e tyre”, thuhet në njoftim./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm