Komisioni i Pavarur i Mediave (KPM) i ka gjobitur me 100 mijë euro katër operatorët kabllorë, të cilat kanë shtrirjen më të madhe në vend, për mos ofrimin e shërbimeve të parapara me kontratë.
Në një mbledhje të mbajtur sot, Komisioni i Pavarur i Mediave vendosi që t’i gjobis katër operatorët: ArtMotion, Kujtesa, Telkos dhe IPKO.
“Më lejoni që të ofrojë rekomandimin që të sanksionohet operatori Artmotion me 64 mijë euro, operatori Kujtesa me 26 mijë euro, ndërkaq operatori IPKO me 7 mijë euro dhe Telkos me 3 mijë euro”, ka thënë kryetari i KPM-së, Jeton Mehmeti.
Rekomandimi i Mehmetit është aprovuar me shumicë të votave nga anëtarët e KPM-së.
Si pasojë e ankesave të qytetarëve ka ardhur ky sanksionim i katër operatorëve kabllorë, mbi 300 ankesa janë dorëzuar në KPM brenda tri javësh, tha sot Jeton Mehmeti i KPM-së.
Mbi 300 ankesa, prej tyre 221 ishin ndaj Artmotion, 87 kundër Kujtesës, 23 për IPKO-n dhe 9 ankesa për Telkosin./Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite