Google ADS

Zakharova: Pa Rusinë, bisedimet për paqen në Ukrainë janë të pakuptimta

16:26 | 17 Janar 2024
R J

Përfaqësuesja e Ministrisë së Punëve të Jashtme ruse, Maria Zakharova, e quajti të dështuar takimin e katërt ndërkombëtar për Ukrainën të mbajtur në Davos në kuadër të Forumit Ekonomik Botëror.

Zakharova kritiko ashpër bisedimet për t’i dhënë fund luftës në Ukrainë, madje duke deklaruar se pavarësisht rritjes së numrit të vendeve pjesëmarrëse në takim nga 66 në 82, kjo pjesëmarrje është “e pakuptimtë” pa praninë e Rusisë.

Në të njëjtën kohë, ajo kritikoi iniciativën e presidentit ukrainas Volodymyr Zelensky, të cilën ai e quajti një “formulë paqeje”, duke argumentuar se shumë nga kërkesat e tij, duke përfshirë një ultimatum drejtuar Rusisë për të tërhequr forcat e saj në kufijtë e 1991 dhe për të paguar dëmshpërblime, janë ” joreale”.

Në Forumin Ekonomik Botëror në Davos, lufta Rusi-Ukrainë është në axhendën kryesore të liderëve botërorë./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm