Google ADS

Bashkimi mposht Istogun, realizon fitoren e dytë me radhë në elitën e basketbollit

21:14 | 14 Janar 2024
D.H

Bashkimi ka arritur të mposht skuadrën e Istogut me rezultat 90-73, në kuadër të xhiros së 17-të në Superligën e Kosovës në Basketboll.

Istogu e nisi më mirë ndeshjen duke fituar çerekun e parë, mirëpo kaq kishte forcë skuadra istogase, pasi Bashkimi arriti të këndellet dhe shkoi me një pikë epërsi 49-48 në pushimin mes pjesëve, shkruan Arbresh.info.

Ndërsa pjesën e dytë e dominoi Bashkimi kur në fund arritën të përmbyllnin me fitore të thellë prej 17 pikëve, 73-90.

Istogu humbi ndeshjen përgjatë çerekut të tretë ku realizoi vetëm tre pikë brenda 10 minutave.

Më i dalluari në këtë ndeshje për Bashkimin ishte Lejson Zeqiri me 24 pikë.

Kurse për Istogun Arian Azemi me 23 pikë.

Bashkimi është në vendin e gjashtë me 6 fitore e 11 humbje kurse Istogu mbyll tabelën e klasifikimit me 1 fitore e 16 humbje./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm